Friday, October 29, 2010

خايف من والو


قصيدة هزلية بالزجل المغربي ..كتبت فيها بعضا من مخاوفي قد تضحك أو قد تخيفك  و لدي شك أنها ستنال إعجابك ....لا اعلم  أنت قولي في الأخير بعد القراءة 
أوكي







خايف النار تحرقني
خايف الماء يغرقني
خايف الهواء يخنقني
خايف الأرض تبلعني
خايف الله يعاقبني
خايف الأستاذة تصرفقني
خايف بابا يضربني




خايف الدنيا الغدارة تقهرني
و تصعب عليا ما سهل
و علي كل شامت تطوفني
نطيح علي رجليها نتسامح
و ما تبغي تساعفني
خايف كل الناس يبعدو مني
مايكلموني ما يهضروني
و خيالي الآخر يهرب مني
و ما يبغي يرافقني



خايف عقلي يهرب مني
و نولي حمق ما نعرف ما نتعرف
خايف لساني يهرب مني
و نولي زيزون ما ندوي ما نتكلم
خايف عيني يهربو مني
و نولي عمي ما نشوف ما نتشوف
خايف وذني يهربو مني
و نولي صمك ما نسمع ما نتصنت



خايف قلبي يهرب مني
و نولي والو ما نحس ما نتحسس
أكيد في الغد 
سأجد راسي 







- لمن لا يتقن المغربية  :)  معجم اسثتنائي    
اذا لم اشرح شيء اخرتستطيع أن تسألني بالتأكيد 

خايف من والو – من لا شيء
يبغي – يريد
يهضرني – يكلمني
حمق – مجنون
نتصنت – اسمع
زيزون – لا يتكلم
صمك – لا يسمع
نتصنت – نسمع
والو – لا شيء









Friday, October 15, 2010

حوار مع راسي





ما بقيتش عارف مالي 
و شنو جرالي 
شكون لي تكرهني 
و شكون لي تبغيني 
مال عائلتي 
و فين هما هادوك صحابي 
و لي تقولو انهم حبابي 
فين هما الناس لي تبغيوني 
و علاش باش حبا في الله 
أو غي مصلحة 

أنا كرهت كاع الناس 
كرهت راسي 
كرهت الدنيا 

فينكم يالي كنتو صحابي 
فينكم ؟؟؟
فين تخبتو ؟؟؟
باش مازلين ف الظروف
بغيت نعرف 
باش نتوما تستحقو وفائي ليكم 
باش تستحقو وقفتي جنبكم 

و هادوك لي تكرهوني 
علاش ؟؟؟؟
علاش كتكرهوني 
علاش كتنمو فيا 
و تضحكو ف غيبتي 


و بغيت نقول ل كاع هادو 
ان ربي هو المنتقم ديالي 
و بغيت نقول 
انا حتى واحد ما يستحق 
دمعة من عيني 
او لحظة حزن ف حياتي 

و بغيت نقول أني هنخليكم 
مور ظهري 
كيفما كتخلي القافلة الكلاب 
و ها نشوف قدامي 
و أنا مبتسم 
و نكمل حياتي 
لي 
كتساني
وا تلاحو